Бонуччи трансферга қўйилди

Туринликлар клуби директорлари бу ҳақида ҳимоячига маълум қилишди. Футболчи бу хабарни эшитиб хайратда қолган. Энди Бонуччи алоҳида шуғулланади ва «Юве»нинг АҚШдаги мавсумолди турнесини ўтказиб юборади. Клуб уни трансферга қўйган. Жамоанинг янги сардори Данило бўлади. Футболчи клубда шартномасининг охиригача - 2024 йилгача қолиш истагида эди. 36 ёшли футболчи Италия терма жамоаси таркибида Евро-2024да иштирок этишдан умидвор, шунинг учун у фаолиятини якунламоқчи эмас. Журналист Никколо Чеккаринининг сўзларига кўра, фахрий «Лацио» ёки «Рома»да ўйнаши мумкин. Марказий ҳимоячининг ўзи хориж чемпионатига ўтишдан кўра, «А» серияда ўйнашни давом эттиришни афзал кўради. Трансфермаркт футболчининг трансфер қийматини 1,5 миллион еврога баҳолаган.