Деко Алемани ўрнини эгаллаши мумкин

Маълум бўлишича, «кўк-анорранглилар»нинг ҳозирги спорт директори Матеу Алемани Англиянинг «Астон Вилла» клубига ишга ўтишга қарор қилган. Инсайдер Фабрицио Романонинг маълумотларига кўра, «Барселона» раҳбарияти Деконни спорт директори лавозимига номзод сифатида кўриб чиқмоқда. Машҳур собиқ ярим ҳимоячи клуб президенти Жоан Лапорта билан яхши муносабатда ҳисобланади. Шу боис унинг ушбу лавозимга тайинланиш эҳтимоли катта, аммо ҳозирча бу борада келишувга эришилмаган. Эслатиб ўтамиз, Деко ўтган ёз Рафинья Диаснинг «Лидс»дан «Барселона»га трансферида фаол иштирок этганди.