Депайга «Арсенал» харидор

Нидерландиялик ҳужумчи «Барселона» бош мураббийи Хавининг режаларига киритилмаган. Аввалроқ футболчига «Тоттенхэм» қизиқиш билдирганди, аммо ҳужумчи «шпорлар» таклифини рад этди. Ҳозирда Депайга Буюк Британия пойтахтининг бошқа бир клуби қизиқиш билдирмоқда, деб хабар берди Fichajes нашри. «Арсенал» футболчи учун 15 миллион евро тўлашга тайёр. Боиси, «канонирлар» футболчиси Николас Пепе жамоани тарк этмоқчи. Шу сабаб, «тўпчилар» зудлик билан таркибдаги камчиликни тўлдиришга ҳаракат қилади. Депай ўтган мавсумда Ла Лига доирасидаги 28 ўйинда майдонга тушиб, ўз ҳисобига 12та гол ва 2та ассистни ёздириб қўйган.