Флик эса Евро-2024гача Бундестимда

By Пўлатов Мухаммадхон 08 Dec, 2022 5 дақиқа ўқиш 627 Кўрилди

0 comments 0 likes

Ханс-Дитер Флик Германия миллий жамоасининг Қатардаги муваффақиятсизлигига қарамай, лавозимида қоладиган бўлди.

Немис футбол иттифоқи расмий сайти хабарига кўра, кеча Германия миллий жамоасининг Қатар-2022даги иштироки атрофлича таҳлил қилинган. Саммит якунларига кўра, ташкилот раҳбари Бернд Нойендорф, вице-президент Йоахим Ватцке Фликка ишонч билдирилишига қарор қилинганини маълум қилган. «Мен ва қўл остимдаги мураббийлар штаби Германия миллий жамоасининг мезбонлигимизда ўтадиган Евро-2024 баҳсларига тайёргарлигига катта ишонч билан қараяпмиз. Биз жамоа сифатида Қатардаги натижаларни яхшилай оламиз», - деган Флик. Эслатиб ўтамиз, 57 ёшли германиялик мутахассис 2021 йилдан буён «немис машинаси»ни бошқармоқда. Унинг қўл остида жамоа ЖЧ-2022 Е гуруҳида 4 очко билан Япония ва Испаниядан кейинги 3-ўринни эгаллаб, плей-офф босқичига йўлланма ололмади.