Френки сотилади, фақат олдин Бернарду келиши керак...

Mundo Deportivo нашрининг ёзишича, каталонияликлар Де Йонгнинг келгуси мавсумда жамоада қолишига ишонмаяпти. Унинг трансфер бўлиш эҳтимоли ошиб бормоқда. Жамоа бош мураббийи Хави нидерландиялик футболчини қўйиб юборишга қарши бўлиб келаётганди. Фақат «Манчестер Сити» футболчиси Бернарду Силванинг трансфери амалга ошса, у Френкининг қўйиб юборилишига рози. Шунингдек, «кўк-анорранглилар» Гави ва Педрини ҳам сақлаб қолиши керак бўлади. Аввалроқ, манчестерликлар Де Йонг учун 80 млн. евро беришга тайёрлиги маълум қилинганди.