ОК-2024 (футзал): Ўзбекистон 6-марта бронза медалига сазовор бўлди
Хабарингиз бор, Таиландда ўтаётган футзал бўйича Осиё Кубогида 3-ўрин учун баҳс якунланди.
Ҳа, Карло Анчелотти жамоаси 18 январь куни «Мадрид дербиси»да «Атлетико»га 2:4 ҳисобида ютқазиб, Испания кубоги-2023|2024 учун курашдан эрта чиқиб кетди. Лекин «Қироллик клуби» бунга қадар Ар-Риёд (С.Арабистони)да айнан «Атлетико» ва «Барселона»ни енгиб, Испания суперкубогини ўзиники қилганди.
«Реал» айниқса, «Ал-Аввал Парк» стадионида бўлган финал ўйинида ўзгача шиддати билан ажралиб турди. Ҳар ҳолда, араб диёрида яйраётган Криштиану Роналду кўз ўнгида азалий рақиб - «Барселона»га умуман имконият қолдирмади. Суперкубок тақдрини ҳал қилган баҳс 4:1 ҳисобида якунлангани барчасини кўрсатиб турибди.
Кўпчилик эътиборини тортган воқелик эса ўйиндан кейин кузатилди. Бунда Жуд Беллингем трибунага яқинлашиб, фанатлар гуруҳига юзланди: «Илтимос, анави баннерни эсдалик учун менга берсанглар...». Табиийки, мухлислар англиялик футболчи илтимосини рад этишмади. Шундай қилиб, Жуд суперкубок финалидаги ғалабани эслатиб турувчи ажойиб буюмга эга бўлди. Ушбу баннерда Беллингем, Родриго ва Винисиус GTA ўйини образида тасвирланишганини айтиш ўринли.
