Иньеста фаолиятини тугатди

Испаниялик 40 ёшли ярим ҳимоячининг сўнгги клуби БААнинг «Эмирейтс» клуби бўлди. Иньеста амирлик жамоасида 23 ўйинда 5та гол уришга улгурганди. Андрес 1996 йилдан 2018 йилгача «Барселона» тизимида бўлди. У бу давр ичида Каталониянинг асосий жамоаси сафида жами 674 ўйинда тўп суриб, 57та гол ва 136та ассистга муаллифлик қилган.Иньеста «Барса»даги фаолиятидан кейин Европадан Осиёга йўл олиб, Япониянинг «Виссел Кобе» жамоасида 134 ўйинда 26та голга муаллифлик қилди. 40 ёшли футболчи фаолияти давомида Испания миллий жамоаси сафида икки марта Европа чемпиони бўлиш билан бирга ЖЧ-2010 чемпионлигини ҳам қўлга киритган. «Барса» сафида эса 4 карра ЕЧЛ ғолиби, 9 марта Ла Лига чемпиони, 3 карра клублар ўртасида ЖЧ ғолиблигини қўлга киритган. Энди Андрес Иньеста ўзини мураббийликда синаб кўришни режалаштирмоқда. Собиқ футболчи Испаниянинг ёшлар жамоаларида иш бошлаб, аста-секин топ клубларда мураббий бўлмоқчи.