Испания Примероси. 34-тур: Кутилганидан эртароқ бонг!

«Реал» шу билан Испания чемпионатида 36-марта энг юқори шоҳсупага кўтарилди ва бу борада Европанинг кучли 5та лигаси рекордчиси - «Ювентус» натижасини такрорлади. 3-юқори натижа эгаси - «Бавария» Бундеслигада 33 марта чемпион бўлган. Яна бир диққатга сазовор ҳолат: «Жирона» - «Барселона» баҳсидан сўнг мезбон жамоа мухлислари «Хави, қол!» дея ҳайқиришди. Мадриддаги Cибелис майдонида чемпионликни нишонлаш учун йиғилган «Реал» мухлислари ҳам Хавининг «Барса»да қолганини худди шундай тарзда олқишлашди.

*** «Реал» 20та ўйиндан буён ютқазаётгани йўқ - 13та ғалаба ва 7та дуранг. 

*** Карло Анчелотти («Реал») - Испания чемпионатида ғалаба қозонган энг ёши катта мураббий (64 ёш 329 кунлик). У 2022 йили ўзи ўрнатган рекорд (62 ёш 336 кунлик)ни янгилади. Дон Карло «Мадрид» бош мураббийи ролида 12-совринни расмийлаштирганини ҳам айтиш ўринли. Умуман, Анчелотти мураббийлик фаолиятида 28-марта  совриндор бўлди.

*** Лука Модрич «Реал» билан 25-совринини расмийлаштириб, клуб рекордчилари - Марсело ва Карим Бенземага тенглашиб олди. Хорватиялик ярим ҳимоячи шунингдек, «Реал» тарихида майдонга тушган энг ёши катта футболчи бўлиб олди. Ўйин вақти 38 ёшу 238 кунлик бўлган Модрич бу борада Ференц Пушкаш (1965 йили 38 ёшу 233 кунлигида майдонга тушган)дан ўзиб кетди.

*** Жуд Беллингем «Реал»даги дебют мавсумида Ла Лига ҳисобидан 18та гол урган биринчи ярим ҳимоячи бўлди. Англиялик футболчи мавсум-1960/1961да Луис дел Соль томонидан ўрнатилган рекорд (17та гол)ни янгилади. «Реал» тарихида чемпионатнинг муайян мавсумида энг кўп гол урган ярим ҳимоячиси - бу Фернандо Йерро (мавсум-1991/1992да 21та).

*** «Жирона» келаси мавсум еврокубоклардаги дебютини ЧЛда нишонлайдиган бўлди. Бу жамоа ўзининг 81 йиллик тарихида Испания чемпионати элит дивизионида 4-мавсумни ўтказаётганини алоҳида қайд этиш керак.

*** Украиналик Артём Довбик («Жирона») жорий мавсум Ла Лигада 20-гол маррасига етган биринчи футболчи бўлди.

*** «Барселона» ўз тарихида илк марта «Жирона»га қарши қаторасига 2та ўйинда мағлубиятни тан олди. Қолаверса, Хави жамоаси жорий мавсум Ла Лигадан ўрин олган «Реал» билан ўйинларда ҳам очко ололмади.

*** Дарвозабон Марк-Андре тер Штеген «Барселона» сафида 409-ўйинини ўтказиб, клуб гвардиячилари рўйхатида Дани Алвеш (408та ўйин)дан ўзиб кетди. Энди германиялик футболчидан олдинда фақат 778та ўйинга эга Лионель Месси бор.

*** «Атлетико» Ла Лигадан ўрин олган охирги 5та ўйиннинг 4тасида ғалаба қозонди.

3 май

ХЕТАФЕ - АТЛЕТИК - 0:2 (0:1)

Хетафе. 12149 томошабин.

Голлар: Иньяки Уильямс (27, 51).

Фойдаланимаган пенальти: Гринвуд (88, Х.).

Четлатишлар: Йерай Альварес (58), Паредес (79, А.).

4 май

РЕАЛ СОСЬЕДАД - ЛАС-ПАЛЬМАС - 2:0 (2:0)

Сан-Себастьян. 29330 томошабин.

Голлар: Суарес (33-авт.), Беккер (45+1).

РЕАЛ - КАДИС - 3:0 (0:0)

Мадрид. 72654 томошабин.

Голлар: Браим Диас (51), Беллингем (68), Хоселу (90+3).

Реал: Куртуа, Карвахаль, Начо, Милитао, Фран Гарсия, Модрич, Себальос, Камавинга (Вальверде, 80), Браим Диас (Винисиус Жуниор, 73), Гюлер (Беллингем, 66), Хоселу.

ЖИРОНА - БАРСЕЛОНА - 4:2 (1:2)

Жирона. 14090 томошабин.

Голлар: Довбик (4), Порту (65, 74), Мигель Гутьеррес (67) - Кристенсен (3), Левандовски (45+1).

Жирона: Гассанига, Эрик Гарсия, Блинд, Давид Лопес (Порту, 65), Мигель Гутьеррес, Алейш Гарсия, Эррера, Мартин, Циганков (Ян Коуто, 65), Савио (Фернандес, 86), Довбик.

Барселона: тер Штеген, Кунде, Араухо, Кубарси, Жоау Канселу, Сержи Роберто (Ромеу, 79), Кристенсен (Педри, 69), Гюндоган, Лопес (Рафинья, 69), Ямал (Жоау Фелиш, 84), Левандов-ски (Ферран Торрес, 79).

МАЛЬОРКА - АТЛЕТИКО - 0:1 (0:1)

Мальорка. 20519 томошабин.

Гол: Рикельме (5).

Атлетико: Облак, Аспиликуэта (Рейнилду, 90), Хименес, Эрмосо (Молина, 46; Савич, 90), Витцель, Рикельме, Коке, Льоренте, Барриос, Коррея (де Пауль, 80), Лино (Мората, 83).

5 май

ОСАСУНА - БЕТИС - 0:2 (0:2)

Памплона. 18300 томошабин.

Голлар: Перес (41), Форнальс (45+3).

Четлатиш: Монкайола (26, О.).

СЕЛЬТА - ВИЛЬЯРРЕАЛ - 3:2 (2:1)

Виго. 19548 томошабин.

Голлар: Аспас (22-пен.), Ларсен (39), Дувикас (82) - Альберто Морено (12), Гуэдеш (65).

Четлатиш: Комесанья (17, В.).

ВАЛЕНСИЯ - АЛАВЕС - 0:1 (0:0)

Валенсия. 44643 томошабин.

Гол: Хави Лопес (68).

РАЙО ВАЛЬЕКАНО - АЛЬМЕРИЯ - 0:1 (0:1)

Мадрид. 10864 томошабин.

Гол: Лосано (30).

СЕВИЛЬЯ - ГРАНАДА - 3:0 (1:0)

Севилья. 32658 томошабин.

Голлар: Акунья (11), ал Носири (51), Лукебакио (80).

Севилья: Нюланд, Навас, Рамос, Баде, Салас (Ньянзу, 74), Акунья, Ламела (Лукебакио, 74), Окампос (Межбри, 84), Сумаре (Жордан, 90), Агуме, ал Носири (Велис, 84).

ТЎПУРАРЛАР:

Довбик (Жирона) - 20та

Беллингем (Реал) - 18та

Сёрлот (Вильярреал) - 17та...

35-ТУР

10 май (жума)

23:55   Алавес - Жирона

11 май (шанба)

17:00   Мальорка - Лас-Пальмас

19:15   Вильярреал - Севилья

21:30   Гранада - Реал

23:55   Атлетик - Осасуна

12 май (якшанба)

17:00   Кадис - Хетафе

19:15   Атлетико - Сельта

21:30   Валенсия - Райо Вальекано

23:55   Бетис - Альмерия

13 май (душанба)

23:55   Барселона - Реал Сосьедад

Ўйиндан кейинги фикрлар:

Карло Анчелотти («Реал» бош мураббийи): - Гюлерга нега тўлиқ 90 дақиқа имконият бермадим? У ҳали ёш ва ўз сифатларини энди-энди кўрсата бошлаяпти. Менга эса янги оёқлар ва ғалаба керак эди. «Реал» билан шартнома тузганимда, раҳбарият олдимга ёшларни мудом ўйнатиш эмас, ғалабаларни таъминлаш вазифасини қўйган. Муҳими, Арда тўғри йўлдан кетмоқда. Қолаверса, «қария»лар ҳалигача фантастик даражада ўйнаётганларини унутмаслик керак. Ҳозир жуда бахтиёрмиз, ўйлайманки, мухлисларимиз ҳам. Чемпионликни бирга нишонлашни хоҳлардик, аммо олдинда ЧЛнинг мураккаб ўйи­ни бор. «Реал» билан 12та соврин. 14та соврин ютган Мигель Муньосдек афсонага яқинлашганимдан ғурурланишга ҳақлиман, менимча.

Мичель Санчес («Жирона» бош мураббийи): - Ҳозирги ҳолатимни тўлиқ ифодалаб беролмайман. Лойиҳага қўл урилгач, 3 йил ичида Сегундадан ЧЛга сакраш... Бу ақлга сиғмас ютуқ ва роҳат. Футболчиларга раҳмат, улар ишониш мушкул саналган ишни ажойиб тарзда амалга оширишди. Бошқа сўзим йўқ. Ушбу ютуқдан чинакамига сар-мастман.

Хави («Барселона» бош мураббийи): - Келажагим ҳақидаги масала ёпилган ва бугунги мағлубият вазиятни ўзгартирмайди. «Реал»ни табриклашим керак, у қолганларга қараганда, кўпроқ очко тўплади. «Жирона»га ҳам тасанно, бугун жуда зўр ўйнади.

испания ЧЕМПИОНАТИнинг барча Ғолиблари:

Реал - 36 марта (1932, 1933, 1954, 1955, 1957, 1958, 1961, 1962, 1963, 1964, 1965, 1967, 1968, 1969, 1972, 1975, 1976, 1978, 1979, 1980, 1986, 1987, 1988, 1989, 1990, 1995, 1997, 2001, 2003, 2007, 2008, 2012, 2017, 2020, 2022, 2024)

Барселона - 27 марта (1929, 1945, 1948, 1949, 1952, 1953, 1959, 1960, 1974, 1985, 1991, 1992, 1993, 1994, 1998, 1999, 2005, 2006, 2009, 2010, 2011, 2013, 2015, 2016, 2018, 2019, 2023)

Атлетико - 11 марта (1940, 1941, 1950, 1951, 1966, 1970, 1973, 1977, 1996, 2014, 2021)

Атлетик - 8 марта (1930, 1931, 1934, 1936, 1943, 1956, 1983, 1984)

Валенсия - 6 марта (1942, 1944, 1947, 1971, 2002, 2004)

Реал Сосьедад - 2 марта (1981, 1982)

Депортиво - 1 марта (2000)

Севилья - 1 марта (1946)

Бетис - 1 марта (1935).