Каземиро «МЮ»дан кетмоқчи(!)?...

Бразилиялик футболчи ўзининг яқинлари билан суҳбатда «Реал»ни тарк этганидан афсусда эканлигини, агар имкони бўлса, вақтни орқага қайтаришини, Карло Анчелотти қўл остида фаолиятини давом эттиришини айтган. Каземиронинг бундай муносабати манкунианликлар лагерида ўйин амалиётининг камлиги билан боғлиқ. Бразилиялик футболчи жамоани Эрик тен Хаг бошқараётганда вазият ўзгармаслигига ишонмоқда, шунинг учун қишдаёқ у клубни тарк этиш ҳақида ўйламоқда. Эслатиб ўтамиз, Каземиронинг «Реал»дан трансфери «МЮ»га 70,65 миллион еврога тушди. У 2026 йилнинг 30 июнига қадар шартнома имзолади.