Кристиан Вьери: «Интер» захирасида оддий футболчи йўқ»

Турнир жадвалида бошқалардан илдамлаб кетаётган «Ювентус» ва «Интер»нинг собиқ ҳужумчиси Кристиан Вьери ана шу йил ўйини арафасида Gazzetta dello Sport газетасига интервью берди. Унда 12 июль куни 50 ёшини қарши олган Кристиан ўтмишдаги бу икки жамоасининг бугунги куни ва бошқа мавзуларда гапирди.

- Мавсумнинг марказий ўйини ҳақида қандай тахминларингиз бор?

- Мен ҳар доим позитив ўйлайман. Агар «Интер» ғалаба қозонса, асосий рақобатчисидан 5 очкога илдамлаб кетади; Агар «Юве» ғалаба қозонса, якка ўзи етакчилик қилади: демак, бундай ўйинда ғалаба қозонишга уринмаса, яна қайси бирида уринади? Ва агар ҳар икки томон ғалаба учун борини бериб ўйнашса, даҳшатли ўйин гувоҳига айланишимиз аниқ.

- Бу икки жамоанинг стартдаги ўйинларига кўра, жадвалдаги ўринлари адолатсиз, де­йиш мумкинми?

- Йўқ! «Интер» ажойиб, чиройли футбол намойиш этмоқда. Аномалия эса «Сассуоло» ва «Болонья»га ют­қазган очколарда ётади: келинг, камида иккитасини қўшамиз ва бўшлиқ янада аниқроқ бўлади. Аммо «Юве» ҳеч нарсадан воз кечмайди ва бу «Интер»дан юқорида қолиш осон эмас: ихчам «Юве», ихчам футбол.

- Аллегри ихтиёрида шунча юқори савияли ҳужумчилар бўлишига қарамай, ўйини буткул тескари схемада...

- Хоҳлайсизми-йўқми, Аллегри бунга рози: голлардан кўра кўпроқ натижа керак. Ҳар доим ҳам шундай эмас, лекин ҳар бир ўйинда шу схемани кўрамиз. Бироқ, унинг тўртта кучли ҳужумчиси бор, яхшиланиши керак бўлган футболчилар бор ва эҳтимол янгилар ҳам келар. «Юве» фақат кучли ўйинчиларни сотиб олади. Чунки вазифа катта - чемпионликни қўлга киритиш.

- «Интер» захира ўриндиғи кучлироқми?

- Анча кучли. Унинг захирасида оддий футболчи йўқ, барча янги келганлар асосий таркибдаги потенциал ўйинчилардир: Павар, Карлос Аугусто, Фраттези, Санчес, Арнаутович. Менга Лукаку ёқади. Унинг вазними? Бу муҳимми? У «Рома»да нималар қилаётганини куряпмизку! Аммо «Интер» ҳам Тюрамни олди...

- Лаутаро ҳақида нима дейсиз?

- У жамоаси учун кўп нарса қилади: ҳар доим мувозанатни ўзгартириш пайида юради. Қанчалик кўп гол урсангиз, яна шунча кўп гол уришни хоҳлайверасиз - у ҳам шундайлар тоифасидан. Лекин «Юве» ҳам гол ура оладиган ҳужумчиларга эга. Фақат, улар кўпроқ гол уришлари керак - уларга шу етишмаяпти.

- Ҳозирдан чемпионлик курашидаги етакчиларни ажратиб кўрсатиш мумкинми?

- Ҳали эрта, олдинда яна 26та ўйин бор. Аммо бугун, ҳа, мен бу икки жамоани айта оламан. Лекин «Милан» ва айниқса, улар каби кучли бўлган «Наполи»нинг муаммолари борлигига қарамай, эсдан чиқарманг.

- «Милан»нинг муаммоси нима?

- «ПСЖ»га қарши ўйинни кўриб, французлар муаммога дуч келгандек туюлди... Аммо уларга ҳужумда нимадир етишмаяпти: голнинг оғирлиги Леао ва Жиру учун жуда катта, улар мўъжиза ортида мўъжизалар яратадилар. «Интер» ва «Юве» тўрттадан ҳужумчига эга, аммо «Милан»да йўқ.

Манба: calciomercato.com, 

МУҲАММАДХОН тайёрлади