Леманн ҳибсга олинди

The Sun нашрининг хабар беришича, «Арсенал»нинг собиқ дарвозабони Октоберфестга ташриф буюрганидан кейин машинаси тўхтатилган. Қайд этилишича, Леман фестивал давомида кўп миқдорда пиво ичган. Шунингдек, у ўқ отиш мусобақаси бўлган пайтда ёғоч ўриндиқларда туриб олиб, рақсга тушган. Прокурор Эн Лейдин шундай деди: «Жаноб Леманн 2024 йил 23 сентябрь куни машина ҳайдашдаги ғайриоддий хатти-ҳаракати туфайли полиция текширувидан ўтказилди. Офицерлар алкоголнинг аниқ ҳидини сезишган. Шундан сўнг, унинг ҳайдовчилик гувоҳномаси мусодара қилинди. Бизнинг терговимиз ҳали якунланмаган. Маст ҳолда машина ҳайдашдаги шубҳалар барибир сақланиб қолмоқда».