«Милан» Арнаутовичга қизиқмоқда

Манбанинг хабарига кўра, «россонерлар» спорт директорлари Паоло Мальдини ва Фредерик Массара ҳужум чизиғини кучайтириш учун 34 ёшли австрияликни жамоада кўрмоқчи. Клуб янги ҳужумчи қидирмоқда, сабаби Златан Ибрагимовичнинг «Милан» билан шартномаси жорий мавсум охирида якунига етади, Дивок Ориги ва Анте Ребич ҳам жамоани тарк этиши мумкин. Тахминларга кўра, «Милан» Арнаутович трансфери учун 5 миллион евродан кам пул тўлаши керак бўлади. «А» сериянинг жорий мавсумида Марко 16та ўйин ўтказиб, 8та гол урган ҳолда «Болонья»нинг энг яхши икки тўпураридан бири бўлиб турибди.