Митрович 8 ўйинга четлатилди

Чоракфинал ўйинининг (1:3) 70-дақиқасида «Манчестер Юнайтед» вингери Жейдон Санчо лондонликлар дарвозасига зарба берди, «Фулхэм» ярим ҳимоячиси Виллиан эса тўпни дарвоза чизиғидан қайтарди. Беллашув бош ҳаками Крис Кавана эпизод такрорини ўрганиб чиқиб, бразилиялик футболчига қўл билан ўйнагани учун қизил карточка кўрсатганди. Шундан сўнг Митрович ўз норозилигини билдира бошлаган ва ҳакамни туртиб юборгани учун у ҳам четлатилганди. Шундан сўнг мустақил комиссия сербиялик форвардни ички турнирларда 8 ўйинга дисквалификация қилиш, шунингдек, 75 минг фунт стерлинг миқдорида жаримага тортиш бўйича қарор қабул қилди. Митрович «Саутгэмптон»га қарши ўтадиган 13 майдаги ўйингача майдонга туша олмайди.