Музокаралар давом этади...

Италиялик мутахассиснинг «пентакампеонлар» бошқарувчиси лавозимига тайинланиши мумкинлиги ҳақидаги миш-мишлар қишда тарқалганди. Карлонинг ўзи бу маълумотни бир неча бор рад этиб, «Реал» билан 2024-йилда тугайдиган шартномани якунлаш ниятида эканлигини маълум қилган. Шунга қарамай, Sport нашри хабарига кўра, Анчелотти вакили яна Бразилияга ташриф буюрди. Манба берган хабарга кўра, Бразилия футбол конфедерацияси Анчелоттининг «Реал Мадрид»даги позициясини диққат билан кузатишда давом этмоқда. Аввалроқ испан ОАВларида «қаймоқранглилар» раҳбариятининг Анчелоттининг жорий мавсумдаги фаолиятидан норозилиги ҳақида малумотлар пайдо бўлганди.