«Негрейра иши» «Барса»ни чўктириши мумкин

Хабарингиз бор, «Барса» Испания ҳакамлар қўмитаси собиқ вице-президентига турли йиллар давомида жами 7,3 миллион евро миқдорида пул тўлаб, коррупцияга йўл қўйганликда айбланмоқда. El Confidencial тарқатган хабарга кўра, «кўк-анорранглилар» Негрейранинг ўғли - Хавьер Энрикес Ромерога ҳам пул тўлашган. 2004 йилдан бошлаб 4 йил давомида Ромеро Испания терма жамоаси бош мураббийи Луис Арагонесга ёрдамчи бўлиб ишлаган пайтда каталонияликлар унга 750 минг евро тўлашган. Бу Жоан Лапорта президентлиги даврига тўғри келади. «Барса» бу суммани унга нима учун тўлаганига ҳали ойдинлик киритилмади.