Нигерияликлар бойкот эълон қилишди

Терма жамоа Африка Кубогида бронза медали учун ўйин ўтказишлари лозим. Бироқ, хеч бир футболчи мамлакат футбол федерацияси томонидан ваъда қилинган 10 минг доллар мукофот пулини олмади. Улар Ботсвана, Бурунди ва Камерун устидан қозонилган ғалаба учун пул олишлари лозим эди. Шу сабабли, терма жамоа аъзолари кеча машғулотларда иштирок этишмади ва масъулларни ушбу масала юзасидан иш олиб боришга чорлашди. Маълум бўлишича, Нигерия футбол федерацияси мамлакат ҳукуматидан ваъда қилинган молиявий кўмакни ололмаяпти ва шу сабабли инқироз кўчасига кириб қолган.