Кубоксевар "Насаф" учун "офсайд" ёхуд InterFUTBOLнинг 30 апрелдаги сешанба сонида
Тан олиш керак, ўтган ҳафтада ҳам мухлисларимиз қатор "таҳликали" халқаро ўйинлар гувоҳига айланишди.
Чунончи, каталонияликларга Германия клуби мухлисларининг сиғими 90 мингга тенг «Камп Ноу»да «хўжайин»лик қилишгани сира ёқади ва улар раҳбариятдан немисларга нега деярли 30 минг чипта сотилгани юзасидан изоҳ талаб этишди.
Хуллас, «Барселона» раҳбарлари ҳам, жамоа мухлислари ҳам «Айнтрахт» фанатлари «Камп Ноу»да ниманинг ҳисобига устунлик қилишганини тушунишмади. «Айнтрахт»нинг навбатдаги рақиби - «Вест Хэм» раҳбарияти эса ярим финал ўйинидан олдин Испания жамоаси хатосини такрорламаслик хусусида ваъда берди. Аниқроқ айтсак, меҳмонларга атиги 3000 дона чипта ажратган «болғачилар» маъмурияти кутилмаган ҳолатларга қарши кескин чора кўрилишини таъкидлади: «Чипталар сотуви тўлиқ назорат қилинади ва уларнинг «бегона қўллар»га ўтиб кетмаслиги таъминланади. Асосийси, меҳмонларга ажратилган сектордан ташқарига чиққан «Айнтрахт» мухлислари стадиондан чиқариб юборилади».
«Айнтрахт» матбуот котиби эса бунга жавобан инглизлар минг уринишса ҳам, креатив фанатларни тўхтатолмасликларини баралла таъкидлади: «Мухлислар армиясининг сезиларли қисми трибуналардан жой олиши учун бор имкониятларни ишга соламиз, албатта. Бунга асло шубҳаланманг, балки 100 фоиз ишонаверинг». Германияликлар амалда ҳам квотани тан олишмади, барибир. Улар ўйин бошланмасиданоқ «Вест Хэм» аренаси - «Олимпия» олдида оммавий юришни амалга ошириб, ўзларини эслатиб қўйиш. Шунчаки, даҳшатли юриш!
«Айнтрах»нинг ярим финал доирасидаги илк ўйинни 2:1 ҳисобида ўз фойдасига ҳал қилганида жамоа мухлисларинин ҳиссалари катта, албатта. Умуман, энди Германия жамоасининг евроаренадаги ўйинларида натижа иккинчи даражага тушган кўринади. Бош «интрига» - бу меҳмон клуб мухлислари сони!
