«Пахтакор» ва «Насаф» келаси мавсум қандай турнирларда қатнашади?

Умуман, қитъа клуб футболининг асосий турнири дастлабки икки мавсум Саудияда ташкиллаштирилади. Кейинги 3 мавсум финал босқичи ҳам шу мамлакатга ишониб топширилиши эҳтимоли катта. Финал босқичи 3 босқични ўз ичига олади: 1/4 ва 1/2 финал ва финал.

Бу Қандай мусобаҚа?

ОФК ҳам УЕФАдан андоза олган ҳолда, янги мусобақа ташкил этмоқда - Элит ОЧЛ. Унда қитъанинг энг кучли 24 клуби иштирок этади - «Ғарб»да 12та, «Шарқ»да - 12та. Ҳар бир минтақада битта яхлит гуруҳ бўлади. Келаси мавсум ушбу турнирда Ўзбекистон номидан «Пахтакор» иштирок этади амалдаги чемпион сифатида. Регламентга кўра, ҳар бир жамоа гуруҳ босқичида 8та ўйин ўтказади (4та ўз майдони ва 4та сафарда). Қайси турда қайси клуб билан ўйнаш масаласини қуръа аниқлаб беради. Табиийки, икки клуб ўзаро бир марта тўқнаш келади. Баъзи жамоалар эса гуруҳ босқичида бир-бири билан ўйнамаслиги мумкин. Дастлабки 6та тур ўйинлари 16 сентябрь - 4 декабрь оралиғида ўтказилса, 7-8-турлар баҳслари 2025 йилнинг февраль ойида бўлади. Якунда ҳар бир гуруҳдан 8тадан кейинги босқичга чиқади. Нимчорак финал бос­қичи (2та ўйин) март ойига белгиланган. Финал раунди эса 25 апрель - 4 май кунлари оралиғида ўтказилади. Чемпион жамоа 12 миллион, финалчи эса 6 миллион доллар мукофот пули олади.

Янги ОЧЛнинг «Ғарб» минтақасида 6та макмлакат клублари иштирок этади: Саудия Арабистони (3та), Қатар (2та), Эрон (2та), БАА (1та), Ўзбекистон (1та), Ироқ (1та). Яна 2та йўлланма учун Қатар, Эрон ва БАА клублари «плей-офф» босқичида кураш олиб боради. Кейинги йилнинг 30 июль, 6 ва 13 август кунларига белганланган «плей-офф»да 3та жамоа ўзаро ўйнаб чиқади ва 1-2-ўринларни банжд этганлари асосий босқичга чиқади. Гуруҳ ўйинлари эса сентябрда старт олади:

1-тур - 16-17 сентябрь

2-тур - 30 сентябрь - 1 октябрь

3-тур - 21-22 октябрь

4-тур - 4-5 ноябрь

5-тур - 25-26 ноябрь

6-тур - 2-3 декабрь

7-тур - 3-4 февраль

8-тур - 17-18 февраль

1/8 финал - 3-4 март ва 10/11 март

Финал босқичи - 25 апрель - 4 май

ОЧЛ-2 ҳаҚида

«Насаф» эса Ўзбекистон кубоги ғолиби сифатида ОЧЛ-2 мусобақасида иштирок этади. Мавсум-2024/2025да ушбу мусобақанинг гуруҳ босқичида 32та жамоа иштирок этади - «Ғарб»да 16, «Шарқ»да - 16та. «Насаф» тўғридан-тўғри гуруҳ босқичида қатнашади. Бу турнирда классик формат қўлланилади. Яъни иштирокчилар 8та квартетга бўлинади ва «уй-сафар» тизимида ўзаро икки мартадан ўйнаб чиқади. Гуруҳ босқичи баҳслари сентябрь - декабрь оралиғида ўтказилади. Гуруҳ босқичи якунида 2тадан жамоа «плей-офф»га чиқади. Қолгани маълум форматда давом этади. Ҳар бир бос­қич - нимчорак, чорак ва ярим финал 2тадан ўйинни ўз ичига олади («уй ва сафар»). Фақат финал 1та ўйиндан иборат.

Нимчорак финал - 11-13 ва 18-20 февраль

Чорак финал - 4-6 март ва 11-13 март

Ярим финал - 8-9 апрель ва 15-16 апрель

Финал - 17 май.

Манба: @futbol_qoidalar