Пеле нега Европада ўйнамаган?

By Хўжа Абдулаҳад AA 07 Feb, 2023 4 дақиқа ўқиш 622 Кўрилди

0 comments 0 likes

Кўпчиликни битта савол қизиқтириши мумкин: 82 ёшида ҳаётдан кўз юмган футбол қироли - Пеле нега Европада ўйнаган эмас?

Нима, «кўҳна қитъа» клублари унга қизиқмаганми? Йўқ, Пелени еврофутболга чорлашган, албатта. Лекин унинг кўчиб ўтишига ҳукумат даражасидаги фармон тўсқинлик қилган экан.

ПЕЛЕ ЕВРОФУТБОЛГА НЕГА ЮЗЛАНМАГАН?

Пеле 1961 йили «Сантос» сафидаги 210та ўйинда 230тадан ортиқ гол ургач, Европанинг энг кучли клублари уни ўз сафида кўришни хоҳлаган.

Бироқ Бразилия президенти Жаниу Куадрус футболчини хориж клубига сотишни тақиқловчи фармонга имзо чекади. Бу Пеленинг мамлакат учун нақадар муҳим аҳамиятга эга бўлганидан далолат, албатта.

Пеле шу тариқа 18 йил давомида «Сантос» шарафини ҳимоя қилади. Фақат 35 ёшга тўлганидан кейин унга фаолиятини АҚШда якунлаш учун рухсат беришади.