Каземиро: "Дон Карлонинг хонасига кирсам, у йиғлаб ўтирган экан..."
«Реал» ҳаётида чуқур из қолдиган бразилиялик Каземиро El Chiringuito de Jugones нашрига берган интервьюсида илк марта нега «МЮ»га кетишни хоҳлагани хусусида ошкора гапирди.
Daily Star нашрида ёзилишича, «Астон Вилла» кипери олган Бельгия овчаркаси махсус ўргатилган бўлиб, вазни ҳам бинойидек тош босади. Ҳа, ЖЧ-2022нинг энг яхши дарвозабони қўриқлаш ишларига бепарво қарамаслик кераклигини яхши билади...
Эмилиано танлаган зотга мансуб овчаркалар 30 килограммгача келади. Буюк Британия ва АҚШнинг элит ҳарбий бўлимлари Бельгия овчаркасидан кўпинча жанговар вазифаларни бажаришда кенг фойдаланади. Хуллас, Elite Protection Dogs компаниясидан сотиб олинган овчарка энди Мартинеснинг шахсий уйини қўриқлайди. Демакки, футболчи ҳамхонаси, ўғли ва қизининг хафвсизлигидан ортиқча хавотирланмаса бўлади. Яна Қатарда ютилган олтин медаль ва энг яхши дарвозабон учун олган совринидан ҳам.
Умуман, элит зотли итларни қўриқлаш хизматига махсус дастур асосида тайёрлайдиган Elite Protection Dogs компания мижозлари орасида спорт вакиллари етарли. Дейлик, Эмилианонинг амплуадоши - «Тоттенхэм» клуби ва Франция миллий жамоаси дарвозабони Уго Льорис ҳам компаниядан ўргатилган ит харид қилган. Яна «Челси» клуби ва Англия терма жамоаси собиқ ҳимоячиси Эшли Коул ва боксчи Тайсон Фьюрини мисол тариқасида келтириш мумкин.
ЖЧ-2022 финали сўнгги лаҳзаларини бир эсга олинг. 120-дақиқа тугаган ва ҳисоб 3:3 бўлиб турган паллада Эмилиано Мартинес қандайдир сеҳрли тарзда Рандаль Коло-Муани зарбасини бартараф этиб, Франция термасини ғалабадан мосуво этганди. Кейин нималар бўлганини айтиш шарт эмас. Хуллас, Эмилиано ўша мўъжизакор «сейв»ни эслатиб турувчи татуировра бостирди. Зарбадан кейин ўнг оёғининг тўпга қалқон бўлган айнан ўша нуқтасига.
