Ракурс: Шунча авто устига яна битта!

 Бу Жоржина томонидан Кришга совға қилинган биринчи «тойчоқ» эмас.  
Португалиялик юлдуз 37 ёшга тўлиши муносабати билан ҳамхонасидан Cadillac Escalade русумли авто қабул қилганди. Бу моделнинг бебаҳолиги шундаки, у Европада сотилмайди. Демакки, Жоржина катта эҳтимол, АҚШдан якка буюртма асосида келтирганди. У ерда Cadillac Escalade баҳоси 150 минг доллардан баланд. 2020 йили эса ҳали «Ювентус»да ўйнаб турган Криштианунинг катта автопарки баҳоси 600 минг еврога тенг янги Mercedes Benz Brabus ҳисобига кенгайган эди. 
Умуман, Роналду улкан ва қимматбаҳо автопарк эгасидир. У айрим автомобилларни атайин икки донадан харид қилган. Netflix томонидан Жоржина Родригес ҳақида ишланган ҳужжатли фильм­да ҳам Криштианунинг хилма-хил автомобиллари кўрсатилган. Ҳисоб-китобларга кўра, араб диёрига талпинаётган юлдузга қарашли автооламнинг умумий баҳоси 18 млн. евродан ҳам ошиб кетган. Қолаверса, автопаркида аксарият моделларга мансуб 2 донадан «тойчоқ» савлат тўкиб туради.

Криштиану Роналду ихтиёридаги барча автомобиллар  (қиймати бўйича)
Bugatti Centodieci - 8,5 млн. евро 
Bugatti Chiron - 2 млн. евро
Bugatti Veyron - 1,5 млн. евро
Ferrari Monza - 1,4 млн. евро
McLaren Senna - 750 минг евро
Mercedes G-Wagon Brabus - 600 минг евро
Ferrari 599 GTO - 500 минг евро 
Rolls Royce Phantom Drophead - 500 минг евро
Ferrari F12 TDF - 350 минг евро
Rolls Royce Cullinan - 300 минг евро
Lamborghini Aventador - 270 минг евро
Mercedes AMG GLE 63 - 270 минг евро
Bentley Flying Spur - 250 минг евро
Mclaren MP4-12C - 200 минг евро
Mercedes Benz S65 AMG - 200 минг евро
Cadillac Escalade - 155 минг евро
Bentley Continental GT - 151 минг евро
Range Rover Sport - 100 минг евро
Chevrolet Camaro - 35 минг евр