Бўшлиқни Рамуш тўлдирди...

By Пўлатов Мухаммадхон 07 Dec, 2022 14 дақиқа ўқиш 720 Кўрилди

0 comments 0 likes

ЖЧ-2022 1/8 финалининг сўнгги баҳси шу босқичдаги бўшлиқ, яъни голлар етишмовчилигини тўла-тўкис тўлдирди.

Учрашувда Криштиану Роналду ўрнига асосий таркибда майдонга тушган Гонсалу Рамуш Қатар майдонларидаги мундиалнинг илк хет-тригини қайд этди. Португалия терма жамоаси сафида шунингдек, Пепе, Геррейру ва Леаулар яна биттадан гол урган бўлишса, швейцарияликлар сафида Мануэль Аканжи ягона жавоб голига муаллифлик қилди.

*** Португалияликлар ўз тарихида биринчи марта жаҳон чемпионати «плей-офф» ўйинида 6та гол урди ва учинчи марта мундиал чорак финалига чиқди (ЖЧ-1966 ва ЖЧ-2006).

*** Португалия ҳимоячиси Пепе Зоммер дарвозасига гол уриб, жаҳон чемпионатлари «плей-офф» рекордини ўрнатди. Шу куни Пепе 39 ёшу 283 кунлик эди.

*** Португалия терма жамоаси сафида Криштиану Роналду асосий таркибда майдонга тушмади. Шу орқали Криштиану 2008 йилдан буён илк марта ўз миллий термаси таркибида йирик турнирни асосий таркибда бошламади. Бунга қадар КР7 Португалия билан катта турнирларда кетма-кет 31 ўйинда асосий таркибда майдонга тушганди.

ПОРТУГАЛИЯ - ШВЕЙЦАРИЯ - 6:1 (2:0)

6 декабрь. Лусайл. «Лусайл » стадиони. 83720 томошабин.

Бош ҳакам: Сезар Артуро Рамос (Мексика).

Голлар: Рамуш (17, 51, 67), Пепе (33), Геррейру (55), Леау (90+2) - Аканжи (58).

Португалия: Диогу Кошта, Далот, Пепе, Рубен Диаш, Геррейру, Вильям Карвалью, Отавио (Витинья, 74), Бернарду Силва (Невеш, 81), Бруну Фернандеш (Леау, 87), Феликс (Роналду, 73), Рамуш (Орта, 74).

Швейцария: Зоммер, Родригес, Шер (Жёмерт, 46), Аканжи, Эдмилсон Фернандеш, Варгас (Окафор, 66), Жака, Фройлер (Закариё, 54), Соу (Сеферович, 54), Шакири, Эмболо (Яшари, 89).

Огоҳлантиришлар: Шер (43), Жёмерт (59).

Ўйиннинг энг яхши футболчиси: Гонсалу Рамуш (Португалия).

ЎЙИН СТАТИСТИКАСИ

ПОРТУГАЛИЯ ШВЕЙЦАРИЯ

КЎРСАТКИЧЛАР

14 Зарба 10

9 Аниқ зарба 3

11 Қоида бузиш 10

5 Бурчак тўпи 6

3 «Оффсайд» 3

48% Тўп назорати 52%

1/4 ФИНАЛ