Рақибларимиз: Навбатдагиси – КОНКАКАФ вакили

КОНКАКАФ вакили ҳам айни кунларда ЖЧ-2022 финал раундига қизғин ҳозирлик кўрмоқда. Луис Фернандо Суарес бошқарувидаги Коста-рикаликлар 23 сентябрь куни Жанубий Корея термасига қарши ўйнаб, 2:2 ҳисобини қайд этишди. Шимолий америкаликлар Сеулдаги учрашув тугаши билан Сувон шаҳрига йўл олишди ва Suwon World Cup стадиони захира майдонида машғулот ўташга ҳам улгуришди.

Transfermarkt портали маълумотлари бў­йича айтсак, Коста-Рика термасига чақирилган футболчиларнинг умумий трансфер қиймати 11,90 миллион еврога тенг. КОНКАКАФ аъзоси сафидаги энг қиммтбаҳо футболчи - бу Жоэль Кэмпбелл (2,50 миллион евро). Умуман, Коста-Рика миллий жамоаси бош мураббийи Луис Фернандо Суарес Жанубий Корея йиғинига 26 нафар футболчини жалб этган. Жамоа етакчиси - «ПСЖ» дарвозабони Кейлор Навасга бу сафар дам берилди. Бош мураббий буни оддий изоҳлади: «Кейлор Навасни синовдан ўтказиш шарт эмас. Ўртоқлик учрашувларидан мақсад - бошқа киперларни ҳам амалда кўриш». Хуллас, Луис Фернандо корейслар диёрида Патрик Секейра («Луго», Испания), Эстебан Альварадо («Эредиано», Коста-Рика) ва Аарон Крус («Депортиво Саприсса», Коста-Рика) каби киперларга имконият беришни маъқул кўрди. Брайан Руис ва Жоэль Кэмпбелл каби тажрибали футболчилар эса таркибдан жой олишди. Алоҳида айтиш керак, Ўзбекистон миллий жамоасига қарши ўйин Коста-Рика термаси учун ЖЧ-2022 олдидан сўнгги синов бўлади. Таъкидланишича, Луис Фернандо жамоаси шу билан 24 ноябрь куни мундиал гуруҳ босқичи 1-тури доирасида Испания термасига қарши майдонга тушади. Коста-рикаликларнинг Қатар мундиали «E» гуруҳидаги кейинги рақиблари - Германия ва Япония термалари.

Коста-Рика терма жамоаси таркиби

Дарвозабонлар

Эстебан Альварадо («Эредиано»)

Аарон Крус («Саприсса»)

Патрик Секейра («Луго», Испания)

Ҳимоячилар

Франсиско Кальво («Коньяспор», Туркия)

Оскар Дуарте («Ал-Ваҳда», С.Арабистони)

Кейшер Фуллер («Эредиано»)

Карлос Мартинес («Сан Карлос»)

Брайан Овьедо («Реал Солт Лейк», АҚШ)

Хуан Пабло Варгас («Миллонариос», Колумбия)

Кендалл Уотсон («Саприсса»)

Ярим ҳимоячилар

Брэндон Агуилера («Гуанакастека»)

Жевисон Беннетте («Сандерленд», Англия)

Сельсо Борхес («Алахуэленсе»)

Даниэль Чакон («Картагинес»)

Орланди Гало («Эредиано»)

Энтони Эрнандес («Пунтаренас»)

Дуглас Лопес («Сантос де Гуапилес»)

Карлос Мора («Алахуэленсе»)

Брайан Руиз («Алахуэленсе»)

Аарон Суарес («Алахуэленсе»)

Жерсон Торрес («Эредиано»)

Роан Уилсон («Гресиа»)

Альваро Самора («Саприсса»)

Ҳужумчилар

Жоэль Кэмпбелл («Леон», Мексика)

Энтони Контрерас («Эредиано»)

Жохан Венегас («Алахуэленсе»)

23 сентябрь

Ж.КОРЕЯ - КОСТА-РИКА - 2:2 (1:1)

Голлар: Хван Хи Чхан (28), Сон Хюн 

Мин (85) - Беннетте (41, 63).

Жанубий Корея: Ким Син Гю, Юн Чжон Гю, Ким Ен Гвон (Квон Ген Вон, 77), Ким Мин Чжэ, Ким Чжин Су (Хон Чхол, 66), Квон Чхан Хун (На Сан Хо, 72), Хван Ин Бом, Чжон Ву Ен (Сон Чжун Хо, 66), Хван Хи Чхан, Сон Хюн Мин, Хван Ий Чжо (Чжон У Ен, 77).

Коста-Рика: Альварадо, Мартинес (Фуллер, 78), Дуарте, Кальво, Овьедо, Торрес (Самора, 46), Борхес, Чакон (Уилсон, 46), Кэмпбелл (Секейра, 83), Контрерас (Венегас, 65), Беннетте (Эрнандес, 65).

Четлатиш: Альварадо (80, К-Р.).

-------------------------------------------------------------

27 сентябрь (сешанба)

Сувон (Жанубий Корея). 

Suwon World Cup стадиони.

11:00 ЎЗБЕКИСТОН - КОСТА-РИКА