Равшан Ҳайдаров: «Бу ғалаба билан ҳали ҳеч нарса ҳал бўлмади...»

01 Mar, 2023 5 дақиқа ўқиш 522 Кўрилди

0 comments 0 likes

Равшан Ҳайдаров: «Бу ғалаба билан ҳали ҳеч нарса ҳал бўлмади...»

Олдин хабар берганимиздек, бундан бироз аввал ёшларимиз 1-турда Сурия термасини 2:0 ҳисобида доғда қолдирдилар. Жамоа бош мураббийи Равшан Ҳайдаров мазкур ўйиндан сўнг ўз таасуротлари билан ўртоқлашди.

- Авваламбор барчани футбол байрами билан табриклайман ва табиийки мухлисларимизни хурсанд қила олдик, деб ўйлайман. Тўғриси, ушбу ўйин қийин кечишини билардик ва бунга тайёр эдик. Улар жуда яхши шаклланган жамоа эканликларини кўрсата олишди, десам хато бўлмайди.
Аммо, биз якуний вазиятлар борасида ишлашимиз керак. Ғалабага бўлган кучли ва ортиқча иштиёқ туфайли ҳужумларга нуқта қўйишда қийналдик. Хайриятки, стандартлардан гол урганимиз хурсанд қилди.

Албатта, ҳар қандай жамоада 1- ўйинда муаммолар бўлади. Ўйиндан ўйинга кучайиб борамиз. Ироққа қарши кейинги баҳсга тайёргарлик ҳозирдан бошланади. Бу ғалаба билан ҳали ҳеч нарса ҳал бўлгани йўқ.

Умарали Раҳмоналиевнинг хатолари? Жамоа сардори бўлгани боис фаол бўлишга ва масъулиятни ўз зиммасига олишга ҳаракат қилди. Биринчи ўйинда хатолар бўлиб туради.

Аббос Файзуллаевни ҳисоб ишончли кўринишга келгани учун алмаштирдик...