«Ризаспор» Ҳусниддин Алиқулов трансферини эълон қилди

Football Group Agency компаниясига тегишли бўлган  «Насаф» клуби ҳимоячиси Ҳусниддин Алиқулов ҳам  легионерга айланди.  Аниқроғи, 24 ёшли ҳимоячимиз  Туркиянинг «Ризаспор» клуби билан «3+1» шаклида (2026  йилгачса) шартнома имзоланганини эълон қилинди. 
Айтганча, Қашқадарё (Китоб тумани)лик ҳимоячи янги клубида легионер эмас, маҳаллий футболчи мақомида бўлади. Гап шундаки, Туркия футбол федерацияси қарорига кўра, Туркий тилли давлатлар кенгашига аъзо мамлакат ўйинчилари Туркияда легионер ҳисобланмайди. 
Маълумот учун, Ҳусниддин Алиқулов Суперлига жорий мавсумида 12 ўйинда 5та голга муаллифлик қилган. Ҳимоячи «Насаф»нинг сўнгги ўйинида майдонга тушмагани футболчининг жароҳати билан изоҳланганди. 

Туркиянинг Ризо шаҳри шарафини ҳимоя қилувчи «Ризаспор» клуби ўтган мавсум якунларига кўра, қуйи лигадан Туркия Суперлигасига йўлланма олган.

Маълумот учун, Гайрат Ҳасубуллин раҳбарлигидаги  Football Group Agency компанияси 1 йил ичида қуйидаги трансферларни амалга оширди: Бобур Абдухолиқов: Энергетик БГУ - Ордабаси (Қозоғистон), Ҳусайн Норчаев: Насаф - Спартак Алания (Россия), Абдуқодир Ҳусанов: Энергетик БГУ - Ланс (Франция), Ҳусниддин Алиқулов: Насаф - Ризеспор (Туркия)...