Аморим - 6-қимматбаҳо мураббий!
Португалиялик Рубен Аморим 11 ноябрь куни «МЮ»ни илк марта бош мураббий сифатида майдонга бошлаб тушди
Нега? Жуан Мендес де Ассиснинг бундай йўл тутиши сабаби нима? Бу максимал камтарликми ёки...?
Ҳа, буюк Роналдиньонинг ўғли «Барселона» академиясига саралаш синови жараёнида ўзини танитмасликни хоҳлабди. Бинобарин, бошқа йигитлар ҳам, акадаемия ходимлар ҳам у футбол олами тарихидаги энг буюк афсоналардан бирининг ўғли эканлигини билишмасди. Globo Esporte нашрида ёзилишича, Жуан Мендес де Ассис Морейра машғулотларда ҳаммани бирдек лол қолдирган, аммо кузатувчилар у афсунгар Роналдиньонинг зурриёти эканлигини билишмаган ҳам. Диққат, ёш футболчи ўз шахсини атайин яширган: у келиб чиқиши мураббийлар штаби қарорига таъсир кўрсатишини истамаган, шунчаки.
Маълумот учун, Жуан Мендес аввалига Роналдиньонинг яна бир собиқ клуби - «Фламенго» ёшлар тизимида шуғулланди. Кейин маълум муддат «Васко да Гама» футзал жамоасида ўйнади ва шундан сўнг Бразилия грандларидан бири - «Крузейро» билан 6 йиллик шартнома тузди. Бироқ 4 мавсумдан кейин жамоа билан хайрлашган кичик Ронни деярли 1 йил клубсиз қолди ва яқинда ўз салоҳиятини «Барселона»да синаб кўришга қарор қилди. Тўғри, ҳозирча унинг Каталония жамоаси академиясида қолиш-қолмаслиги аниқ эмас гарчи мураббийлар штабини чинакамига ҳайратда қолдирган бўлсада.
