29 октябрь куни Жанубий Корея пойтахти - Сеулда ОФК томонидан 2024 йил лауреатларини тақдирлаш гала оқшоми - AFC Annual Awards 2024 маросими ўтказилди.
Биз учун аҳамиятли томони, Ўзбекистон миллий жамоа умиди - Аббос Файзуллаев Осиёнинг энг яхши ёш футболчиси сифатида эътироф этилди. ЦСКА вингери ушбу соврин йўлида Гаку Накавата (Япония) ва Бае Жунг Хо (Ж.Корея)ни ортда қолдирди. Бу кутилган якун, албатта. Зеро, Файзуллаев жорий йил Қатарда бўлиб ўтган U-23 тоифасидаги Осиё кубогида муваффақиятли қатнашди, Олимпиада-2024да ҳам иштирок этди. Қолаверса, 21 ёшли футболчимиз Ўзбекистон термаси ва ЦСКА клубида ҳам тетик ўйнади. Гала-оқшомнинг бизга тааллуқли яна бир томони, CAFA (Марказий Осиё футбол ассоциацияси) йилнинг энг яхши минтақавий футбол ассоциацияси номинацияси ғолибига айланди. Йилнинг энг яхши футзалчиси бўлишга даъвогар ҳамюртимиз Дилшод Раҳматовга эса соврин ютиш насиб этмади (ўз ўрнида айтиш керак, Раҳматов худди Файзуллаев каби маросимга боролмади). Асосий номинацияга келсак, Қатар терма жамоаси етакчиси Акрам Афиф Осиёнинг 2024 йилдаги энг яхши футболчиси сифатида тан олинди. У финалда Сол Йонг Ву (Ж.Корея) ва Язан ал Наймат (Иордания)дан устун келди.
AFC ANNUAL AWARDS 2024 ЛАУРЕАТЛАРИ
ОФК «Осиё олмоси» — Жанни Инфантино (ФИФА президенти)
Осиё кубоги мезбони учун махсус мукофот — Қатар футбол ассоциацияси
ОФК тараққиётига улкан ҳиссаси учун ташкилот президенти мукофоти — С.Арабистони футбол федерацияси
Йилнинг энг яхши ассоциациялари
Платина - Япония футбол ассоциацияси
Олмос - Таиланд футбол ассоциацияси
Олтин - Непал футбол уюшмаси
Ёқут - Лаос футбол федерацияси
Йилнинг энг яхши минтақавий ассоциацияси — CAFA (Марказий Осиё футбол ассоциацияси)
ОФК президентининг Grassroots Football учун мукофотлари
Олтин - Австралия футбол ассосиацияси
Кумуш - Ҳиндистон футбол федерацияси
Бронза - Вьетнам футбол федерацияси
ОФК ҳакамлари учун махсус мукофот - Юичи Хатано (Япония), Турки Абдуллоҳ ал Солиҳи (Уммон), Иброҳим Юсуф ал Раиси (БАА)
Йилнинг энг яхши мураббийи (аёллар) — Парк Ён Чжон (Ж.Корея U-20)
Йилнинг энг яхши мураббийи (эркаклар) — Го Оива (Япония U-23)
Йилнинг энг яхши футзалчиси — Саидаҳмад Аббоси (Эрон)
Йилнинг энг яхши халқаро футболчиси (аёллар) — Элли Карпентер («Лион» ва Австралия термаси)
Йилнинг энг яхши халқаро футболчиси (эркаклар) - Сон Хюн Мин («Тоттенхэм» ва Ж.Корея термаси)
Йилнинг энг яхши ёш футболчиси (аёллар) - Чае Ун Йонг («Волмидо» ва КХДР термаси)
Йилнинг энг яхши ёш футболчиси (эркаклар) - Аббос Файзуллаев (ЦСКА ва Ўзбекистон термаси)
Йилнинг энг яхши аёл футболчиси — Кико Сеике («Урава Редс Даймондс»|«Брайтон» ва Япония термаси)
Йилнинг энг яхши футболчиси — Акрам Афиф («Ал-Садд» ва Қатар термаси)
ЎЗБЕКИСТОН ФУТБОЛИНИНГ ОФК ДАРАЖАСИДАГИ БАРЧА МУКОФОТЛАРИ
Йилнинг энг яхши футболчиси
2008 - Сервер Жепаров
2011 - Сервер Джепаров
Йилнинг энг яхши ёш футболчиси
2015 - Достон Ҳамдамов
2024 - Аббос Файзуллаев
Йилнинг энг яхши мураббийи
1999 - Маҳмуд Раҳимов (вафотидан кейин)
2007 - Рауф Инилеев
Йилнинг энг яхши клуби
2002 - «Пахтакор»
Йилнинг энг яхши ҳаками
2008 - Равшан Эрматов
2009 - Равшан Эрматов
2010 - Равшан Эрматов
2011 - Равшан Эрматов
2014 - Равшан Эрматов
2017 - Бахтиёр Намозов
Йилнинг энг яхши лайнсмени
2011 - Абдуҳамидулло Расулов
2012 - Абдуҳамидулло Расулов
«Фэйр-плей» соврини
2012 - ЎФФ
Йилнинг энг яхши футбол федерацияси
2022 - ЎФА (платина тоифаси)
