«Бавария» билан 3 йиллик келишув...

Инсайдер Фабрицио Романонинг ёзишича, «Ливерпуль» клубининг сенегаллик вингери «Бавария» билан уч йиллик шартнома бўйича келишувга эришган. Энди футболчи клубларнинг ўзаро келишувга эришишини кутмоқда. Қайд этилишича, «Ливерпуль» ва «Бавария» раҳбарияти ўртасидаги музокара ҳал қилувчи палласига кирган. Мюнхен клуби Мане учун 35+5 миллион евро миқдорда трансфер пули тўлаши кутилмоқда. «Ливерпуль» Маненинг клубни тарк этиш ва «Бавария»га ўтиш истагидан хабардор. Шу боис уни бошқа жамоага трансфер қилишга тайёр. Маълумот учун, 30 ёшли африкалик футболчи жорий мавсум клуби сафида жами 50 ўйинда 23та голга муаллифлик қилган.