Навас Англияга кўчиб ўтишга рози

Нашрнинг ёзишича, коста-рикалик дарвозабон Саудия Арабистонининг «Ал-Наср» клубидан тушган таклифни рад этган ва «Ноттингем Форест» клубига ўтишга қарор қилган. Навас Англия клуби раҳбарияти билан музокаралардан кейин «Ноттингем Форест»га ўтишга розилик берган. Қайд этилишича, «ПСЖ» ва «Ноттингем Форест» ўртасида музокара давом этмоқда. Париж клуби 36 ёшли посбон инглиз жамоасига ижара асосида ўтса, унинг маошини тўламоқчи эмас. Маълумот учун, Навас 2019 йилдан буён Париж клубида тўп сурмоқда. У жамоада 108 ўйинда ўз дарвозасидан 87та гол ўтказиб юбориб, 50 марта дарвозаси дахлсизлигини сақлаб қолган. Доннарумма келгач, у захира посбонига айланди.