БИРДАНИГА +7 МИЛЛИОН ЕВРО! ва Ҳусанов Ўзбекистонинг энг қиммат ўйинчиси

 Унга кўра, "Ланс"да тобора ишонч-ли ўйнаётган ва энг сара клублар эътиборида турган 20 ёшли Абдуқодир Ҳусановнинг трансфер суммаси бирданига 12 миллион еврога кўтарилди. Бу олдинги баҳога нисбатан 7 миллион кўпдир. Шу тариқа Ҳусанов Ўзбе-кистоннинг энг қимматбаҳо футболчисига айланди.

Абдуқодир Ҳусанов

янги трансфер баҳоси бўйича:

Ўзбекистонда - 1-ўрин

"Ланс"да - 4-ўрин

Лига 1да - 78-ўрин

2004 йили туғилганлар орасида (бутун дунё бўйича) - 37-ўрин

Марказий ҳимоячилар орасида (бутун дунё бўйича) - 157-ўрин

Барча футболчилар орасида (бутун дунё бўйича) - 886-ўрин 

Айтганча, L~Equipe нашри Ҳусановни Франция чемпионати 14-тур рамзий жамоасига киритди. Мазкур "рамз"да Николас Тальяфико, Адриен Рабьо ва Жонатан Дэвид каби юлдузлар ҳам бор. 

"Ланс" - "Монпелье" ўйини (2:0)да ишончли тўп сурган легионеримиз Sofascore порталидан 6,9 балл олган ва Лига 1 томонидан мезбон жамоанинг энг яхши футболчиси сифатида эътироф этилганди. Ҳамюртимиз lensois.com сайти сўрови бўйича ҳам "Ланс"-нинг учрашувдаги энг яхши футболчиси бўлди:

Абдуқодир Ҳусанов - 51,95 фоиз

Брис Самба - 28,01 фоиз

Реми Лабо-Ласкари - 8,83 фоиз

Кевин Дансо - 4,07 фоиз

Lensois.com изоҳи: "Абдуқодир Ҳусанов жорий мавсум 7-марта "Ланс"нинг учрашувдаги энг яхши футболчиси сифатида танланди. Ўзбек легионери Кевин Дансо билан бирга ҳимоя марказида бехато ўйнади. Бундан ташқари, у бир вазиятда дарвозабон Брис Самба ўрнини ҳам эгаллади. Яъни кипер "Монпелье" зарбасини бартараф этиб, майдонга йиқилгач, такрорий зарбадан кейин Ҳусанов тўпни боши билан қайтариб юбориб, гол бўлишига йўл қўймади". 

Европанинг нуфузли манбаларидан бири - news.dayfr.com эса "ПСЖ" январда Ҳусанов трансфери масаласида амалий ҳаракат бошлашини маълум қилди: "Ланс" марказий ҳимоячиси Абдуқодир Ҳусанов "ПСЖ" нишонида турибди. Парижликлар бу трансферни ҳал этиш вазифасини клубнинг ҳамкори, таниқли агент Жорже Мендеш зиммасига юклашди. Маблағга эҳтиёж сезаётган "Ланс" эса ҳимоячини январда қўйиб юборса керак. Агар Жорже Мендеш трансфер амалга ошишини таъминласа, "ПСЖ" унга умумий сумманинг 10 фоизи миқдорида гонорар тўлайди".