Андрей Пятницкий: «Бирор унвонга эришмоқчиман. Ундан камига рози эмасман»
Сўнгги йилларда футболчилик фаолиятини хорижда якунлаб, мураббийлик тажрибасини баҳам кўриш мақсадида кўпчилик юртдошларимизнинг Ўзбекистонга қайтаётганини кузатиш мумкин
Нақ 25 йилдан кейин! Бироқ ўхшамаса, қийин. Бирмингемликлар чемпионат аутсайдерини енга олишмади - 1:1. Буюргани шу бўлса, илож қанча?
1998 йил 28 декабрь. «Астон Вилла» шу куни «Шеффилд Уэнсдей» клубини 2:1 ҳисобида доғда қолдириш асносида АПЛ турнир жадвалида пешқадамликни қўлга олганди. Бирменгем клуби шу тариқа кейинги йилнинг 8 январигача, яъни 11 кун пешқадам мақомида турган. Жорий йилнинг 22 декабрь кунига келиб, камтарин, лекин мағрур жамоада 25 йиллик танаффусдан кейин ниҳоят, яна 1-ўрин юзини кўриш учун яхшигина имконият юзага келди. Аммо...
АПЛ тақвими «Астон Вилла»га лоақал 1 кун турнир жадвалини бошқариш имконини берганди. Зеро, Унаи Эмери шогирдлари 18-тур ўйинини турнир жадвалида 1-2-ўринларни банд этиб турган «Арсенал» ва «Ливерпул»дан бир кун олдин ўтказишди. Қолаверса, ўз майдонларида, яна чемпионат аутсайдерига қарши. Хуллас, ҳаммаси «Астон Вилла»нинг 1-ўринга чиқиши учун махсус тайёрлангандек эди. Аммо бирменгемликлар учрашувда мағлубиятдан зўрға қутулиб қолишди, бошқача айтганда, ожизнамо «Шеффилд Юнайтед» «шерлар»нинг 25 йиллик орзуларини чиппакка чиқарди. Ҳа, АПЛ шундай сеҳрли лига...
