Давиде Калабрия: «Футбол ўйнашни ЕЧЛ кубоги орзуси билан бошладим»

 Унда «қизил-қоралар» ўнг қанот ҳимоячиси «Интер» билан бўлажак Чемпионлар Лигаси ярим финали, шунингдек, «Ми-лан»даги фаолияти ҳақида бир қатор қизиқарли саволларга жавоб қайтарди.

- Қитъанинг энг нуфузли турнирида, боз устига унинг ярим финалида итальянча дербини кўрамиз...

- Биз ҳам айнан шундай бўлишини жуда хоҳлагандик. Ишонаманки, ўйинлар қизиқарли ва чиройли бўлади. Биз майдонда қилган саъй-ҳаракатларимиз билан бунга лойиқ эдик ва мен бу ўйинни сабрсизлик билан кутаман.

- «Лечче» билан ўйин чемпионатда ҳам ҳаммаси изга тушиб олишига хизмат қилиши мумкинми?

- Қолган барча ўйинлар жамоа учун ва ушбу клубни ривожлантириш учун жуда муҳим эканлигини англашимиз керак бўлган паллага етиб келдик. Шу қадар кам ўйинлар қолганки, хатога йўл қўйишга ҳаққимиз йўқ энди. Зудлик билан ички чемпионатга эътибор қаратишимиз керак. Ҳа, биз ғалабани нишонладик, чунки биз бунга лойиқ эдик, аммо энди бор эътиборимизни кейинги ўйинларга қаратишимиз шарт!

- Чемпионлар Лигасининг ярим финалига қайтиш стимулми?

- Мутлақо. Ишонаманки, ушбу либос остида сиз доимо рағбатлантиришингиз керак ва тан олинишнинг ягона йўли ғалабалардир, шунинг учун ҳар бир ўйинда ғалаба қозониш бизнинг стимулдир.

- «Наполи»дан чорак финал ўйинларида ниманинг ҳисобига устун келдинглар?

- Биз фидойилик руҳини кўрсатдик, майдонда бир жамоа эдик ва ҳатто ўйиннинг оғир дақиқаларида ҳам барчамиз биргаликда содир бўлаётган воқеаларга жуда яхши муносабатда бўлдик: кимдир қийинчиликларга дуч келса, бошқа биров дарҳол унга ёрдам қўлини узатди. Ўйлайманки, биз буни ҳатто энг кичик эпизодларда ҳам таъминладик ва охир-оқибат ярим финалда иштирок этишга рақибдан кўра кўпроқ лойиқ эдик.

- Клублар вакиллари ўртасидаги жанжал ҳақида нима дейсиз?

- Биз можаролар ҳақида кўп гапиришни ёқтирмаймиз ва умуман ўйин олдидан суҳбатлашишни ёқтирмаймиз. Бу бизнинг услубимиз эмас ва бундай нарсаларга эътибор бермаймиз. Ростини айтсам, бизни беқарорлаштиришга уринишлар мен учун унчалик фойдали эмас ва умуман ортиқча. «Миланелло»даги майдонда ҳар куни қиладиган ишимиздан ва бу либосга ҳар куни қанча тер тўкишимиздан фарқли ўлароқ, бундай босқичда бу муҳим эмас.

- Неаполдаги мушакбозликларчи?

- Ҳа, уларни эшитдим: уйғондим, шунчаки кулдим ва яна ухлаб қолдим (кулади). Биз фақат мушакбозликларни эшитдик.

- Ярим финалга чиққанингиздан кейин жамоадошларингизга нима дедингиз?

- Мен бу жамоадан ғурурландим, чунки биз қурбонлигимиздан завқланардик. Учрашувнинг ҳар бир сониясида диққатни жамлаш ҳар доим ҳам осон эмас ва бунинг ўрнига биз бу каби муҳим ўйинда қийин курашда ғалаба қозонганимиздан жуда хурсанд бўлдик. Учрашувдан кейин албатта, хурсанд бўлдик, уни нишонладик, қўшиқ айтдик ва рақсга тушдик. Аммо ҳозир мавсумнинг сўнг­ги қисмидамиз, бу энг муҳими, биз эришишимиз керак бўлган мақсадларимиз бор.

- Хвича Кварацхелияга умуман имкон бермадингиз...

- Бу фаолиятимдаги энг яхши ўйинларми? Ҳа, шундай бўлса керак. «Наполи»га қарши Чемпионлар Лигаси ва миллий чемпионатдаги ўйинларда жуда яхши ҳаракат қилдим ва эришган ютуқларимиздан мамнунман. Ўйин, албатта, мени ҳаяжонлантирди, Квара даражасидаги ўйинчиларга қарши ўйнашни яхши кўраман. Биз атиги бир неча ой олдин Италияга келганига қарамай, ҳақиқий феноменга айланган йигит ҳақида гапиряпмиз ва у ҳали ҳам лигада энг зўрларидандир.

- Сиз орзу қила оласизми?

- Албатта. Нима учун бундай қилмаслигим кераклигини тушунмаяпман: мен Чемпионлар Лигасида ғалаба қозонишни орзу қилиб, футбол ўйнашни бошладим ва ҳозирда фақат учта ўйин қолган бўлса, орзу қилмаслик аҳмоқлик бўларди. Аммо ҳеч бир ўйинчи ютқазишни хоҳламаслиги аниқ, шундай эмасми? Мен бу ерда ҳар куни машқ қиламан, кубоклар ютиб олиш учун курашаман. Биз «Милан», биз кубокларни ютишга одатланганмиз!

- Бугунги «Милан»ни Меньян сиз тасаввур қилиш қийинга ўхшайди. У ҳақда нима дея оласиз?

- Кўп гапиришга ҳожат йўқ. У феномен, ҳар қандай нуқтаи назардан жуда кучли, ҳам ақлий, ҳам майдонда мавжудлиги, оёқлари ва қўллари билан бирдек дарвозасини ҳимоя қилиши билан. Эҳтимол, уни жамоа учун қийин даврда йўқотганимиз бир қатор омадсиз ўйинларга сабаб бўлгандир. Агарда у майдонда бўлганида ишлар бошқача бўларди. Майк дарвозабон бўлишига қарамай, ҳал қилувчи рол ўйнаши ва жамоага очко тўплаши мумкин бўлган махсус тоифадаги ўйинчидир.

- Майдонда сизга энг кўп бошоғриғи бўлган рақиб ким?

- Леау машғулотларда (кулади). У Неаполда кўрганимиз каби «учиш»ни амалга оширганда, бугун унинг куни эмас ва у гол уролмайди, деб умид қилишдан бошқа илож қолмайди. Уни тўхтатиш жуда қийин. Сиз ундан тезроқ бўлишингиз ёки унинг хато қилишига умид қилишингиз керак.

БЛИЦ САВОЛЛАР:

- Энг кучли ўнг қанот ҳимоячиси?

- Карвахаль.

- Энг ёқимли қўшиғингиз?

- Менда техно услубидаги плейлист бор.

- Кийиниш хонасидаги ғолиблик сири?

- Қурбонлик руҳи.

- Энг хунук кийинадиган жамоадошлар?

- Яхши савол, эҳтимол Маттеоне Габбьядир.

- Сиз ўйнаган энг чиройли стадион?

- «Сан-Сиро»дан ташқари «Тоттенхэм Стэдиум».

- Болаликдаги кумирингиз ва ундан нимани қабул қилган бўлардингиз?

- Мальдини. Ундан хотиржамлик туйғусини қабул қилардим.