Дибалага Конте ҳам қизиқмоқда

Goal хабарига кўра, «Ювентус» ҳужумчиси «Тоттенхэм» қизиқишлари доирасига тушган. Лондон клуби спорт директори Фабио Паратичи аргентиналик ҳужумчи билан учрашиб, музокара ўтказган. Паратичи Турин клубидаги фаолияти орқали Пауло Дибала билан таниш ҳисобланади. Антонио Конте ҳам «Юве» форвардини ўз жамоасида кўришни истамоқда. Аввалроқ, «Рома» устози Жозе Моуриньо Дибалани Рим клубига ўтишга кўндирмоқчи экани ҳақида хабар қилинган эди. Transfermarket портали 28 ёшли форвардни 40 млн еврога баҳолаган. У ёзда эркин агентга айланади.