Элдорга «Лилл»дан таклиф бор, аммо...

Sky Sports хабарига кўра, ўзбекистонлик ҳужумчи трансфери бўйича Рим клуби унга асосий даъвогар бўлган «Торино» клубидан ташқари, Франциянинг «Лилль» жамоасидан таклиф олган. Қайд этилишича, «Рома» бош директори Тьяго Пинто бугун, 18 январь куни Миланда «Торино» техник директори Давиде Вагнати билан учрашган, аммо Турин клуби раҳбарияти Шомуродов бўйича ўз позициясини ўзгартирмаган – 10 миллион еврога сотиб олиш шарти билан ярим мавсум учун 1 миллион евро таклиф қилинган. Рим клуби эса шундан кейин Франция клубидан тушган таклифни кўриб чиқмоқда. Паулу Фонсека мураббийлигидаги «Лилль» ўзбекистонлик ҳужумчи учун 13 миллион евро тўлашга тайёр. Аммо Шомуродовнинг ўзи Италияда қолишни истамоқда. Икки йил олдин Франция чемпионига айланган ушбу клуб ҳозирда турнир жадвалида 6-ўринда бормоқда. Аввалроқ, Турин клуби раҳбарияти ўзбекистонлик ҳужумчи билан шахсий шартнома шартлари бўйича келишиб олгани ҳақида хабар берилганди. Шомуродовнинг «бўрилар» билан амалдаги шартномаси 2026 йилнинг ёзигача мўлжалланган. Маълумот учун, Transfermarkt бўйича 27 ёшли футболчинининг нархи - 7 млн. евро. Элдор бу мавсум «А» серияда атиги 6та ўйинда майдонга тушди.