Энг қиммати энди Холанд!

Футболчиларнинг трансфер қийматини баҳолашга ихтисослашган Transfermarkt портали дунёнинг энг қиммат футболчилари рейтингининг янгиланган версиясини эълон қилди. «Манчестер Сити» ва Норвегия миллий жамоаси ҳужумчиси Эрлинг Холанд рейтингнинг якка пешқадами бўлиб турибди, унинг трансфер нархи 170 миллион еврога баҳоланган. «ПСЖ» ва Франция миллий жамоаси ҳужумчиси Килиан Мбаппе (160 миллион евро) иккинчи ўринга тушди, «Реал» ва Бразилия миллий жамоаси ҳужумкор яримҳимоячиси Винисиус (120 миллион евро) учинчи ўринда қолди. Холанднинг жамоадоши, «Манчестер Сити» ва Англия миллий жамоаси яримҳимоячиси Фил Фоден (110 миллион евро) тўртинчи ўринга кўтарилди. Кучли бешликни «Барселона» ва Испания миллий жамоаси яримҳимоячиси Педри (90 миллион евро) якунлаб берган. Эрлинг Холанд 2022/23 мавсумида «Манчестер Сити» таркибида барча мусобақаларда 16та ўйинда майдонга тушиб, 22та гол урган.