Эронда ҳам Криш ҳайкали!

Оддий ҳисоб-китобларга кўра, Саудия Арабистони лигаси даромади қисқа вақтда нақ 6,5 баравар ошди, эндиликлар араб футболи бутун дунёга трансляция қилинмоқда. Бундай фактлар-ку майли, Эрондек ўз йўлига эга мамлакатда Криш шарафига ҳайкал ўртатилганига нима дейсиз?

Икки юлдуз дунёнинг икки томонида футболни янада оммалаштирмоқда энди - Лионель Месси Америкада, Криштиану Роналду Осиёда. Португалиялик мегаюлдуз яқинда «Ал-Наср» билан ОЧЛ доирасидаги ўйин учун Эронга ташриф буюрди. Форслар жаҳон футболи кумирини шовқинли Теҳронда қандай қарши олишгани ҳақида кўп ва хўп ёзилди: фанатлар «Ал-Наср» вакиллари ўрин олган автобусни қуршаб олишди, жамоа тўхтаган меҳмонхона томон сув мисоли «оқиб» келишди. Айримлар Роналдуни кўриш учун ҳаттоки, ўта қия қоялар устига чиқишдан ҳам қайтишмади. Мана, ҳаммаси Криштиану шарафига Теҳрон меҳмонхоналаридан бирида бус-бутун ҳайкал ўрнатилиши билан хотима топди. Ҳа, энди Эронда ҳам Роналду ҳайкали бор.

Бу вақтда «Ал-Наср» португалиялик юлдузнинг кўпмиллионли шартномасини ортиғи билан қопламоқда фаол тарзда. Дейлик, Ар-Риёд клуби ўйинлари трансляция ҳуқуқи ер юзининг 140тадан ортиқ мамлакатига сотилмоқда. Саудия Арабистони лигаси даромади эса қисқа вақт ичида нақ 650 фоиз ошди! Ана, эффект! Бундан ташқари, «Ал-Наср» «Инстаграм» тармоғидаги обуначилари сони бўйича жаҳон рейтингида 13-ўринга кўтарилди.