ЎФА президенти Абдусалом Азизов миллий терма жамоа билан учрашди ва тўлиқ таркиб йиғилди...

ЎФА президенти Абдусалом Азизов миллий терма жамоа билан учрашди ва тўлиқ таркиб йиғилди...

ЎФА президенти Абдусалом Азизов миллий жамоа билан учрашди

Бугун Тошкентдаги йиғин якунида Ўзбекистон футбол ассоциацияси президенти Абдусалом Азизов миллий терма жамоа аъзолари билан учрашди.

Расмий ўйинлар олдидан Абдусалом Абдумавлонович миллий жамоа олдида турган кейинги мусобақалар масъулияти, мухлисларни чиройли ғалабалар билан хурсанд қилиш муҳимлигини айтиб ўтди. Сречко Катанец жамоани расмий ўйинларга етарлича тайёрлаб, энди натижа қайд этиш вақти келгани таъкидланди.

Футболимиз раҳбари шунингдек, футболчи ва мураббийлар билан ўтган суҳбатда ижобий натижаларга эришиш учун ЎФА томонидан барча зарур шароитлар тақдим этилиши маълум қилинди. Ўз ўрнида жамоамизнинг бир қатор етакчи футболчилари ўз фикрларини билдириб ўтишди.

Сречко Катанес шу вақт ичида терма жамоамиз билан яхши тайёргарлик ўтагани ва рақибларга қарши максимал эътибор билан ўйнаб натижага эришиш мумкинлигини айтиб ўтди. Қисқа муддат ичида учта ўйинда иштирок этадиган футболчиларнинг жисмоний ҳолатини юқори даражада ушлаш учун тиббий штабга ҳам керакли кўрсатмалар берилди.

****
Ўзбекистон миллий жамоаси Осиё Кубоги саралаши учрашувлари олдидан машғулот йиғинларини давом эттирмоқда. 

Кеча, 2 июнь санасидан «Ан-Насср» футболчиси Жалолиддин Машарипов ҳам миллий жамоа йиғинига келиб қўшилди ва шу билан саралаш ўйинларига жалб этилган таркиб тўлалигича Тошкентда жам бўлди.