Исроил ҳам четлатилади

Фаластин футбол ассоциацияси май ойидаёқ Исроилнинг дисквалификациясини сўраб, ФИФАга талабнома жўнатган. Ўз навбатида халқаро ташкилот бунга зудлик билан ҳуқуқий баҳо берилиши лозимлигини маълум қилиб, бу масала июль ойида ўз кенгашининг навбатдан ташқари йиғилишида кўриб чиқилишига ваъда берганди. Қайд этилишича, Осиё футбол конфедерацияси ҳам Фаластиннинг Исроилни ФИФА байроғи остида ўтадиган барча расмий турнирлардан четлатиш ҳақидаги талабномасини қўллаб-қувватлаган. Эслатиб ўтамиз, ФИФА ва УЕФА сўнгги марта 2022 йилнинг 28 февраль куни Россияни Украинадаги ҳарбий ҳаракатлари учун ўз байроғи остида ўтадиган барча халқаро турнирлардан четлатганини эълон қилганди.