Коло-Муанига «Реал» қизиқмоқда

Sport1 хабарига кўра, Коло-Муанининг вакили бўлган Мусса Сиссоко яқинда ҳужумда ўйинчи билан шартнома имзоламоқчи бўлган «Реал Мадрид» билан боғланган. Агар Харри Кейн «Бавария»га ўтса ва Килиан Мбаппе «ПСЖ»да яна бир мавсум қолса, Мадридликлар Рандални сотиб олиш ҳақида ўйлашлари мумкин. Парижликлар 24 ёшли франциялик футболчини ўз сафига қўшиб олмоқчи эди, аммо Франкфуртнинг «Айнтрахт» клуби футболчи учун 100 миллион евро сўради. Шу муносабат билан парижликларга футболчи сотиб олиш ва молиявий фейр-плейга риоя қилиш қийин бўлади. Бундеслиганинг 2022/23 йилги мавсумида Коло-Муани 32 ўйинда 15та гол урди ва 11та голли узатмани амалга оширди.