Миллатлар лигасидан ўрин олган Португалия-Полша учрашуви йирик 5:1 ҳисобида якунланди. Ушбу беллашувда "Ан-Наср" ва Португалия термаси ҳужумчиси Криштиану Роналду дубл қайд этди.
Учрашувдан сўнг терма жамоа бош мураббийи Роберто Мартинес Криштиану ҳақида илиқ фикрлар билдирди.
"Роналдунинг интизоми ва фидойилиги уни бундай даражага чиқиш учун асосий омил бўла олди. У бир неча йилдан буён гол уришдан тўхтагани йўқ. Келажакда ҳам у юқори даражада ўйнай олади",- деб футболчи ҳақида ўз фикрлари билан ўртоқлашди Мартинес .
Эслатиб ўтамиз, Мартинес 2023 йил 9 январ куни Португалия бош мураббийи этиб тайинланган эди. Ундан аввал эса испаниялик мутахассис Белгия терма жамоасига устозлик қилган.
