Роналдуга 30та клуб таклиф қилинган

Ўтган ёзда, ҳужумчи «МЮ»дан кетишга қарор қилганида, у Мендешдан ўзига янги клуб топишни сўраган, дея хабар беради манба. Агент ҳужумчига танлаш учун 30та жамоадан иборат рўйхатни тақдим этди. Криштиану ундан 3та жамоа танлаб олди ва музокараларни Мендешга ишониб топширди. Бироқ агент бу уч клуб билан музокараларда муваффақият қозона олмади. Шундан сўнг Роналду яна 5та клубни танлади, бироқ улар билан олиб борилган музокаралар ҳам натижа бермади. Қайд этилишича, бундан кейин Мандеш ва Роналду ўртасидаги муносабатлар ёмонлаша бошлаган. Кейинчалик, Роналдунинг ишларини юритишда секин-аста асосий ролни Саудиянинг «Ал-Наср» клуби билан музокара олиб борган футболчининг дўсти ва ўнг қўли Рикарду Регуфе ўз зиммасига ола бошлаган. Ноябрь ойида Роналду «МЮ» билан шартномасини бекор қилди ва ҳозирда эркин агент ҳисобланади.