Чемпионлик бой берилса, Тухель ҳайдалади

Goal.com хабарига кўра, германиялик мутахассис тайинланганидан икки ой ўтиб, ўз лавозимини йўқотиш эҳтимоли жуда юқори. Тухель бошчилигида «Бавария» 7 учрашувда уч бор мағлуб бўлди, икки марта ғалаба қозонди ва яна икки бор дуранг ўйнади. Юлиан Нагелсман қўл остида «Бавария» барча мусобақаларда 37 ўйинда уч марта мағлуб бўлганди. Шу билан бирга, «Бавария» ЕЧЛ ва Германия кубогидан чиқиб кетди. Чемпионатнинг ўтган туридан сўнг мюнхенликлар 1-ўрини Дортмунднинг «Боруссия»га топширганди. Маълум қилинишича, «Бавария» хўжайинлари 22 май, душанба куни клубнинг мавсумдаги сўнгги ўйинига беш кун қолганда йиғилиш ўтказиб, мураббийлар ва директорлар штаби бўйича якуний муҳим қарорларни қабул қилишади.