Вардида ажойиб натижа!

By Пўлатов Мухаммадхон 16 May, 2022 3 mins read 1,185 views

0 comments 0 likes

«Лестер» форварди Жейми Варди Англия чемпионатининг 37-тури доирасида «Уотфорд»га қарши бўлиб ўтган ўйинда (5:1) 2та гол муаллифига айланди.

Варди учун мазкур «дубл» кетма-кет иккинчиси ҳисобланади. У 36-тур доирасида бўлиб ўтган ўйинда «Норвич» дарвозасига ҳам иккита гол урганди (3:0). Шу тариқа, Жейми АПЛнинг кетма-кет 2та учрашувида «дубл»га эришган ёши энг катта иккинчи футболчига айланди. У кеча 35 ёшу 124 кунлик эди.

Бу борада рекорд «Болтон» клуби ва Франция терма жамоаси собиқ ҳужумчиси Юрий Жоркаеффга тегишли. Жоркаефф 2004 йилнинг май ойида - 36 ёшу 60 кунлик пайтида шундай натижа қайд этган эди.