Винисиус - афсонавий Nokia 3310

Рассом бу ижоди билан ҳаммани яқин ўтмишни қўмсаш ҳолатига туширишга қарор қилган кўринади. Хуллас, Финн «бузилмас» таърифига лойиқ кўрилган Nokia 3310 телефонига доир эски хотираларни қайта жонлантирди.

Шундай тасаввур борки, Nokia 3310 модели ҳаттоки, қиёматгача омон қолади, қўлдан тушмайди, ишлайверади. Буни ҳамма билса керак. Рассом ўз ижодида бразилиялик толмас футболчини шу «абадий» қўл телефонига ўхшатди. Оддий айтганда, Висиниус Жуниор чарчоқ билмас, йиллар давомида беминнат хизмат қиладиган Nokia 3310 қиёфасида. Рассом ғояси жуда жўн ва тушунарли. Бинобарин, Вини 2020 йилдан буён атиги 3та ўйинни ўтказиб юборди: жароҳат (1та ўйин) ва коронавирус (2та ўйин) туфайли... Абадий ва бузилмас Винисиус. Хўш, Nokia 3310 телефонини бир қўмсадингизми?

Д.АЛИМОВ тайёрлади