Салихамижич кетади, ўрнига Эберль варианти бор

Sky Sport хабарига кўра, шанба куни ишдан бўшатилган мутахассиснинг «Бавария» билан яна 3 йиллик шартномаси бор эди. Салихамижич 2017 йилдан буён «Бавария»да фаолият олиб бораётганди. Энди унинг ўрнига «РБ Лейпциг» спорт директори Макс Эберль иш бошлаши мумкин. Мюнхен клуби вакиллари 49 ёшли мутахассис билан «Кёльн»га қарши ўйин олдидан учрашган ва уни Ҳасан Салихамижичнинг ўрнига ишга таклиф қилган. Эберлнинг «РБ Лейпциг» билан шартномаси 2026 йилга қадар давом этади. «Бавария» Максни 2017 йилда ҳам кузатган, бироқ ўшанда клуб Ҳасан Салихамижич вариантида тўхталганди. «РБ Лейпциг»га қадар Эберль 23 йил давомида Мёнхенгладбахнинг «Боруссия» клубида фаолият олиб борган.