АНА, ХОЛОС! Тайрон, бу қандай аҳмоқлик?
ЧЛ-2024|2025да жуда зўр старт олган «Астон Вилла» лига босқичи 4-турига келиб, биринчи мағлубиятни тан олди.
«Учрашув яхши ўтди, эҳтимол биз бунданда кўпроғига муносиб эдик. Мексикадек миллий жамоага қарши ўйин биз учун яхши тажриба бўлди. Мексика жуда кучли ва техникали футболчиларга эга жамоа. Биринчи таймда рақибнинг бир қанча асосий футболчилари захирада қолган бўлса-да, улар яхши ўйин намойиш этди. Бироқ йигитлардан хурсандман, ўйиндан кўнглим тўлди, чунки аксар футболчиларимиз клубларида етарлича ўйин амалиётига эга бўлмаётган эди. Умид қиламанки, кейинги ой жаҳон чемпионати саралаш ўйинларигача улар янада яхшироқ ҳолатда бўлишади. Мен улар билан фахрланаман ва биз ўсишда давом этамиз», - дейди словениялик мутахассис.
***
Бош жамоамиз ҳужумчиси Бобур Абдуҳолиқов Мексикага қарши (3:3) ўртоқлик учрашувидан сўнг фикрлари билан ўртоқлашди.
«Жаҳон чемпионатида ўйнаган жамоага қарши ўйин жуда ҳам қийин бўлди. Учрашувни яхши бошладик. Худога шукур дебют голимни урдим. Бу ўйин ҳар икки жамоа мухлислари мазза қилиб кўрадиган жанговар дуранг бўлди», - дейди 26 ёшли футболчи.
Эслатиб ўтамиз, Бобур Абдуҳолиқов Мексикага қарши баҳснинг 18-дақиқасида Азизбек Турғунбоевнинг узатмасини боши билан Очоа қўриқлаётган дарвозани ишғол этиб, Ўзбекистонни ҳисобда олдинга олиб чиққанди.
