ЖЧ-2022 старти яқинлашган сари турли тахмин ва башоратлар кўпаймоқда ўз-ўзидан.
Кимдир Бразилия термасини бўлажак мундиалнинг бош фаворити сифатида тилга олаётган бўлса, бошқа бироқ Аргентина миллий жамоаси имкониятини юқори баҳоламоқда. Қисқаси, 32та иштирокчидан камида 10таси бош фаворит ўрнида кўрсатилмоқда турли манбаларда. Қизиқ, илмий назария-башорат қандай?
Яқинда The Analyst таҳлил модели ҳам Қатар-2022 мундиалига боғлиқ назариясини эълон қилди. Суперкомпьютер бунда бутун бўлажак турнирни 1000 марта модуллаштирганини алоҳида айтиш жоиз. Хулосага келсак, Франция миллий жамоасининг якуний ғалабага имконияти 17,93 фоиз даражасида баҳоланди. Бу жаҳон кубогига даъвогар жамоаларга берилган баҳонинг энг юқорисидир.
The Analyst башоратига кўра, Тите бошқарувидаги Бразилия термаси Қатарга иккинчи рақамли фаворит мақомида боради. Атиги 3та жамоанинг имконияти 10 фоиздан юқори баҳолангани ҳам эътиборга молик. Яна бир жиҳат: The Analyst компьютери танлаган 10та фаворитнинг 8таси Европа ва 2таси Жанубий Америкадан, қолганлар «томошабин» мақомида. Чиндан ҳам, шундайми? Бу саволга фақат ва фақат вақт жавоб беради.
