Тиаго Родригесни «Брентфорд» сотиб олди

Инглиз клуби Игор Тиаго Насименту Родригес билан 5 йиллик шартнома имзолаганини, уни бир йилга узайтириш имкониятини эълон қилди. Форвард 1 июль куни «арилар» сафига қўшилади. The Guardian хабарига кўра, «Брентфорд» 22 ёшли бразилиялик учун тахминан 30 миллион фунт (35,1 миллион евро) тўлайди. Инсайдер Фабрицио Романонинг таъкидлашича, «Брюгге» Тиагони 2023 йилнинг ёзида «Лудогорец»дан 8 миллион евродан камроқ маблағ эвазига (кейинги трансферидан фоиз олади) сотиб олган. Ҳужумчи Бельгия чемпионатида 24 ўйинда 16та гол урган.