Девис Васкес: «Милан» - бир вақтнинг ўзида мақсад ва орзу...»

- Тажриба орттириш сиз учун нимани англатади?

- Масалан, «Милан» каби энг яхши клубнинг бир қисми бўлиш. Бу ерда сиз жамоадошларингиздан кўп нарсаларни ўрганишингиз мумкин.

- Меньян кабими?

- Ростини айтсам, биз у билан кўп гаплашмадик. Жисмоний машқлар пайтида у жуда жиддий. Биз биргаликда кўп ишламадик. Аммо мен уни кузатиш ва ҳаракатларини такрорлашга ҳаракат қилиш орқали ўргандим: у катта иштирокга эга, унинг дарвозада бўлишининг таъсири жуда катта, у бутун маконни эгаллаганга ўхшайди. Бундан ташқари, у ҳар доим жуда эҳтиёткор.

- Сиз ўтган йилнинг январь ойи бошида «Милан»га кўчиб ўтгандингиз. Сизни клубда Мальдини кўришни хоҳлаганди...

- Мальдини ва Массара.

- Улар сизни Парагвайнинг «Гуарани»сидан қандай топишди?

- Билмайман, лекин улар мени билишларини кўрсатдилар: фазилатларим учун олиб кетишганини айтишди, мен янада кучлироқ бўлишимга амин бўлишди, лекин ҳеч нарса ваъда қилишмади. Мени асосий жамоага қўшишди, бир неча ой ўтгач, мен Мальдини Примавера учун ўйнашни сўраган футболчилар қаторида эдим, чунки мен ўйинни Италия футболида синаб кўрмоқчи эдим.

- Улар сизни ярим миллионга сотиб олишди. Сизнингча, бугун нархингиз қанча?

- (Кулади) билмайман, лекин унинг ошгани аниқ. Аммо бу мавсумда мен атиги 7та ўйин ўтказдим.

- Тўғри, Сизнинг олдингизда Меньян бор эди, лекин «Милан»да ҳеч ким сизнинг қанчалик кучли эканлигингизни тушунмаган бўлиши мумкинми?

- Эҳтимол, улар бугун менга қараган кўзлари билан қарамагандирлар. Кейин «Шеффилд»даги ижара... у ерда мен кўп голларни ўтказиб юбордим, чунки ҳамма футболчилар ҳам янги мураббийнинг ғояларини тушунишмаган.

- Энг кучли 3 нафар дарвозабон ким сизнингча?

- Тер Штеген, оёқлари билан ишлаши ва дарвозадаги ишончлилиги учун у ҳақиқий «девор». Эдерсон, унинг шахсияти учун, шунингдек, «Барселона»даги немис сингари, оёқлари билан ишлаш қобилияти учун: унинг баъзи паслари голга айланади. Кейин Нойер.

- Сиз «Эмполи» - бу топ-клубда, Италияда ёки чет элда ўйнаш ҳуқуқини қўлга киритишга имкон берадиган витрина, деб айтгандингиз. Икки савол: Топ-клубга тайёр эканлигингизни ҳис қиляпсизми? Ва «Милан» ҳали ҳам мақсадми ёки ёпиқ ҳикоями?

-Топ-клубда ўйнаш ҳуқуқини қўлга киритиш учун 7та ўйин етарли эмас, лекин ҳа, ҳозирги ҳолатимда ўзимни тайёр ҳис қиляпман. «Милан» бир вақтнинг ўзида мақсад ва орзу. Дунёнинг энг яхши клубларидан бирида ўйнашни ким ҳам хоҳламайди?

МУҲАММАДХОН тайёрлади