Эрлинг Холанд – мемлар қироли!

Қолаверса, ижтимоий тармоқлар ҳам норвегиялик ҳужумчининг «портлаш» эффектидан катта илҳом олди. Эслатма, Жек Грилиш гол уриш имкониятини ҳосил қилган бир паллада бош ҳакам Саймон Хупер вазиятни ортга қайтаришни лозим топганди. Бинобарин, «Тоттенхэм» ҳимоячиси Эмерсон Ройаль ушбу ҳужумнинг аввалги нуқтасида айнан Холандни «кесиб» ташлаганди, гўё. Хуллас, рефери бу ҳолатда қоидабузарлик қайд этиб, истиқболли ҳужумни тўхтади ва эътирозлар бўронига учради. Норвегиялик голеадор эса ўз реакцияси билан алоҳида ажралиб турди. Шу тариқа ижтимоий тармоқлар Эрлингнинг хатти-ҳаракатига бағишланган мемларга тўлиб кетди ва бу жараён ҳали ҳам давом этмоқда. Қуйидаги фотожамланма эса энг ёрқин мемларни ўз ичига олган.